Hautagaitzak aurkezteko epea martxoaren 1ean amaituko da
EIT Culture & Creativity Europako Berrikuntza eta Teknologia Institutuaren (EIT) ekimena da. Ezagutza eta Berrikuntza Komunitate bat da, KSIgune osatzen duena, eta Europako Kultura eta Sormen Industriak eta Sektoreak indartzeko eta eraldatzeko diseinatua dago, sortzaileak eta erakundeak Europako berrikuntza-sare handienarekin konektatuz.
2024-2025erako KSIren negozio-planaren barruan sartuko diren jarduera-proposamenen deialdi irekia ebaluatzeko eta hautatzeko prozesua bultzatzeko, adituak bilatzen ari dira Helburu Estrategiko bakoitzean proposamenak ebaluatzeko. Helburu estrategikoak hauek dira: Hezkuntza, Berrikuntza, Sorkuntza (Enpresak), Gizartea eta Sistemak.
Adituek ingelesez (ahoz eta idatziz) lan egiteko gaitasun frogatua izan behar dute, eta goi-mailako unibertsitate-titulua (diploma batek egiaztatua) edo lan-esperientzia baliokidea izan behar dute. Komeni da adituek kultura- eta sormen-industriekin lotutako gaitasunak, esperientzia profesionala eta ezagutzak izatea. EBk finantzatutako proiektuen ebaluazioan aldez aurretik izandako esperientzia baloratuko da, ahal bada Horizonte 2020 edo Horizonte Europa.
Informazio guztia hemen dago: http://eit-culture-creativity.eu/openpositions
Albisteak, lotutako berriak
-
KSIgune Konexioak lehen #TOPAKETA: goi-mailako hezkuntzaren eta Euskadiko kultura- eta sormen-industrien arteko lankidetza sustatzeko gunea
ksiGuneTopaketa honen lehen edizioan ia ehun lagun elkartu ziren kulturaren eta sormenaren sektoreen erronkak eta trantsizio demografiko, ekologiko eta digitalarekin lotutako erronkak lantzeko.
-
KSIgunek Goi-Mailako hezkuntzaren eta Euskadiko kultura- eta sormen-erakundeen arteko lankidetza bultzatzeko jardunaldia antolatu du
ksiGuneMaiatzaren 12an Bilbon egingo den KSIgune Konexioak topaketaren lehen edizioaren helburua Euskadiko Goi Mailako Hezkuntzaren eta Kultura eta Sormen Industrien (KSI) arteko lankidetza bultzatzea da.
-
KSIgunek “Konexioak” deialdia atera du, Goi-Mailako hezkuntzaren eta Euskadiko kultura- eta sormen-erakundeen arteko lankidetza bultzatzeko
ksiGuneHirugarren edizio honetan, trantsizio demografiko, ekologiko eta digitalarekin lotutako erronka sektorialei eta erronka globalei aurre egiten lagunduko duten proiektuak finantzatuko dira.