Konexioak 2025: sortzeko eta eragiteko duzun aukera

KSIgunen goi mailako hezkuntzako ikastegietako eta Unibertsitateko ikasleen edo ikertzaile taldeen eta profesionalen edo enpresen arteko lotura, lankidetza eta ezagutzaren transferentzia ahalbidetzen jarraitu nahi dugu.

Horretarako, aukera hauek eskaintzen dizkizugu 2025ean:

Konexioak-Lab: gradu, master edo doktoradutzaren bat ikasten ari bazara, gure deialdian parte har dezakezu enpresa baten erronkari erantzuteko, gizartearen, ekonomiaren edo ingurumenaren alorrean eragingo duen irtenbide kolektibo bat sortuz.

>> Parte hartu / Epemuga: ekainak 16

---

Konexioak_Prest: Gradu edo master amaierako proiektu bat baduzu edo garatu nahi baduzu sektoreko enpresa edo profesional batekin lankidetzan haren prozesuak, produktuak edo zerbitzuak hobetzeko, zure proposamena aurkez dezakezu gure ikasleen proiektuen deialdian.

>> Parte hartu / Epemuga: irailak 26

---

Konexioak_Hazi: zure unibertsitateak edo Eusko Jaurlaritzak onartutako ikerketa talde baten kide bazara, eta enpresa edo profesional batekin lankidetzan proiektu bat garatu nahi baduzu edo proiektu bat baduzu berrikuntza eta transferentzia kultura eta sormen sektoreetara hurbiltzeko, zure hautagaitza aurkez dezakezu gure ikerketa deialdian.

*Laster egongo da erabilgarri / Epemuga: irailak 26

Eta programa hau zehatz-mehatz ezagutu nahi baduzu, proiektu ideiak pertsonalki partekatu eta bazkideak aurkitu nahi badituzu, zain izango zaitugu maiatzaren 30ean Konexioak_Topa ekitaldian, La Perreran, Bilbon. 

>> Eman izena orain eta erreserbatu zure lekua!

Informazio gehiagorako

Webgune honetako Baliabideak atalean duzu informazio guztia eskuragarri.

Zalantzaren bat izanez gero, gurekin jar zaitezke harremanetan email honen bidez: ksigune@ksigune. eus

--

Goiburuko irudia: Jr Korpa/Unsplash