Kluster gara

2026ko Sormenaren eta Berrikuntzaren Munduko Egunaren esparruan, Konexioak proiektuak eraman genituen irratira, ikerketaz, sormenaz eta inpaktuaz hitz egiteko. "A vivir que son dos días" programan, Raquel Durán, Estudio Gueadako zuzendari sortzailearekin hitz egin genuen, instalazio interaktiboetarako azalera likidoak sortzeko moduari buruz; Nuria López, Musikeneko graduko ikasleak musika irisgarriari eta aniztasunerako teknologiari buruz duen ikuspegia aurkeztu zuen; eta Ruth Mayoral, Euskampus Fundazioko Goi Mailako Hezkuntza Programen arduradunak benetako sormena ospatzeko deia egin zuen: gaitasun, prozesu eta industria gisa.

Konexioak_Lab-en bigarren edizioan, El Santo Films, Alda2U eta Hika Teatroarekin aliatu gara, erronka sektorialei erantzuteko, gizarte- eta lurralde-ekarpen handiagoa egiteko asmoz. Urria eta azaroko bootcamp-ean, ikasle talde multidiziplinarrek kobrea soinu-banda baten elementu traktore gisa ikertuko dute; zainketetarako proposamen berriak diseinatuko dituzte cohousing-a bezalako espazioetan; eta txaloetatik harago arte eszenikoetako lan baten emozioa eta inpaktua neurtzen saiatuko dira.

Posible al da ekintzailetza, prestakuntza, hirigintza eta teknologia konbinatzea sormen-industriak bultzatzeko? Horixe egiten du Magelisek. Charente eskualdeko irudiaren klusterrak, Akitania Berrian, 200 enpresa baino gehiago eta nazioarteko aintzatespena duten goi-mailako prestakuntzako 15 zentro biltzen ditu animazioaren, bideo-jokoen, komikien eta zinemaren arloetan. KSIgunek bultzatutako ikus-entzunezko sektore jasangarri baterako lehen euroeskualdeko Hub-aren bazkideetako bat izan da, eta ikus-entzunezko sorkuntzan duen bikaintasunerako ikuspegia partekatzen du.

KSIgunek Goi Mailako Hezkuntzako eta Unibertsitateko 27 ikastegi eta hainbat erakunde biltzen ditu, hezkuntza-berrikuntzari esker Euskadin talentu eraldatzailearen prestakuntza bultzatzeko lan egiten dutenak. Europako Batzordeak kultura- eta sormen-sektoreetarako Gaitasunerako lehenengo Eskualdeko Aliantza izendatu du lan hori. Horrek ate bat irekitzen du Europan gure sareko lanaren ikuspegia eta Euskadin dagoen prestakuntza eta ikerketa bikaina ezagutarazteko, eta gure mugetatik haratagoko proiektuetan parte hartzeko.