Kluster gara

Euroeskualdeko lehenengo hub-a sortu dugu ikus-entzunezko sektore jasangarri baterako, gizarte bidezkoagoak sortzen laguntzeko. Jardunbide egokiak trukatu, prestakuntza garatu eta sektorearen lehiakortasunari lagundu nahi diogu, mugaz gaindiko lankidetzari esker.  
 
Horretarako, goi mailako eta unibertsitateko hezkuntza zentroekin, enpresekin, eragileekin eta administrazio publikoekin lankidetzan aritzen gara Euskadin, Nafarroan eta Akitania Berrian.

Gure ekosistemak Euskadiko talentu eraldatzailea trebatzen laguntzeko lan egiten du. Europako Batzordeak kultura eta sormen sektoreetarako Gaitasunetarako lehenengo Eskualdeko Aliantza gisa aitortu du lan hori.

Aitortza horri eta European Pact for Skills ituneko Kultura eta Sormen Industrien Talde Estrategikoan parte hartzeari esker, sarean lan egiteko gure ikuspegiaren berri ematen dugu Europan, Euskadin dagoen prestakuntzari eta ikerketari balioa ematen diogu eta Europako proiektuetan lankidetzan aritzeko ateak irekitzen ditugu.

Eusko Jaurlaritzarekin buruz buru lan egiten dugu EIT Culture and Creativity komunitatearen esparruan.

Berrikuntzaren eta Teknologiaren Europako Institutuak sustatutako erakunde aliantza horrek 20 herrialdetako 50 bazkide elkartzen ditu berrikuntzako aukera berriak sortzeko eta arte, kultura eta sormenerako ezagutza sortzeko.

DC Network eta Eusko Jaurlaritzaren Hezkuntza KSIetan arloa koordinatu dugu ekitaldi honetan. 

Honako emaitza hau lortu genuen: adituen talde batekin lankidetzan aritzea eta nazioarteko 6 esperientzia izatea, hezkuntza eredu berriak sustatzeko; eta nazioarteko 32 ikaslerekin lankidetzan aritzea, gure eskualdeko erronkei erantzuteko DC Living Lab programaren bitartez.

DC Network sarearen esparruan, Reverse Mission programaren estudioko bisitetan ere parte hartu dugu, zenbait eskualde edo hiritako arrakasta kasuak ezagutzeko, hala nola Shanghai, Tampere edo Flandriakoak.