Irtenbideen laborategi bat

Euskadiko kultura- eta sormen-sektoreek hainbat erronka dituzte beren produktu, prozesu edo zerbitzuen berrikuntzarekin lotuta. Erronka horiek honako hauek izan daitezke, besteak beste: material alternatiboekin produktu berriak sortzea, prozesu eta zerbitzuetan teknologia aurreratua sartzea, edo praktika artistiko baten eragin soziala neurtzeko metodologiak diseinatzea.

Erronka guztiek dute zerbait komuna: diziplina arteko lanketa eta ezagutza espezializatua behar dute. Eta horixe da, hain zuzen ere, KSIgunen eskaintzen dizuguna.

Konexioak_Lab deialdia erronka bat aurkeztu eta diziplina desberdinetako ikasle talde batekin batera landu nahi duten enpresei zuzenduta dago. Zure erronkari buruz ikertzen lagundu nahi dizugu, 8 asteko esperimentazio ingurune egituratu batean, eta epe labur, ertain edo luzera aplikatzeko hainbat irtenbide aztertu. Eta laguntza ekonomikoa ematen dizugu prozesu hori errazteko.

Beraz, ez izan zalantzarik! Parte hartzeko oinarriak ezagutzera gonbidatzen zaitugu eta ez ahaztu, maiatzaren 5a baino lehen erronka bat aurkez dezakezula https://gunedigital.eus/ plataformaren bidez

Inspiratzeko…

- Konexioak_Lab-en lehen edizioaren bideoa eta landu genituen erronkak ikus ditzakezu.

- Oraindik zalantzak badituzu zure erronkaren ikuspegiari buruz edo gure deialdiaren barruan horri heltzeko aukerei buruz, idatz iezaguzu: ksigune@ksigune.eus