Martxoaren 3tik 21era, Laura Ibañez, Esther Vital eta Marion Moreau gidoilariak Euroeskualdeko akonpainamendu programa batean aritu dira animazio arloko beren proiektuak lantzen.
Gidoilarientzako Euroeskualdeko Egonaldiak —KSIgunek, CLAVNAk eta Pôle Image Magelisek antolatua—, aholku profesionalez gain, kontaktuak eskaini dizkie, Euskadiko, Nafarroako eta Akitania Berriko ikus-entzunezkoen balio kateko agenteekin.
Programan parte hartu dute:
- Laura Ibañez (Euskadi), “Piedra al Sol” proiektuarekin (film laburra)
- Esther Vital (Nafarroa), “Si me muero” proiektuarekin (film luzea)
- Marion Moreau (Akitania Berria), “Gros Caillou” proiektuarekin (telesaila)
Gidoilariak 3 astez aritu dira lanean Euskadiko, Nafarroako eta Akitania Berriko profesionalek, entitateek eta sormen espazioek eratutako programa batean, eta aholkularitza eta feedbacka jaso dute, idazketan, zuzendaritzan eta animazio produkzioan.
Profesional eta erakunde laguntzaileak izan dira:
- Akitania Berria: Corto Studio, Amélie Harrault, Camille Serceau, Superprod
- Nafarroa: Amaia Merino, María Manero, Estudio Ruido, Mikel Salas, Platipus y Wombat
- Euskadi: Musikene, Zineuskadi, Sultana Films, Diego Hergueda, Garbiñe Ortega, Shandra Martínez, Sonia Estévez, Gidoi, Beatriz Iso Soto
Informazio gehiago
Programa hau kokatzen da Euroregional Green Audiovisual Hub egitasmoaren barruan, eta Akitania Berria-Euskadi-Nafarroa Euroeskualdeak kofinantzatu du, “Euroeskualdeko Berrikuntza” proiektuen deialdiaren esparruan. Egitasmo honen buru izanik, KSIguneren helburua da ikus-entzunezkoen balio kate osoa konektatzea, eta bultzada ematea prestakuntzari, ikerketari eta lankidetzari, Euroeskualdearen eremuan.
Albisteak, lotutako berriak
-
Irtenbideen laborategi bat
ksiGuneZure proiektua (berr)aktibatzeko unea da, zure enpresarentzat mugarri izan daitekeen ideia horretan lan egitekoa, eta begirada berria, unibertsitateko talentua eta berrikuntzarako bideari ekiteko…
-
Benetako sormena ospatzea
ksiGuneSormena, azken batean, gaitasuna, prozesua eta industria da, eta, halaber, balio kultural, sozial eta praktikoa. Kulturatik sortzen da, Hezkuntzatik aktibatzen da, Ikerketaren bidez artikulatzen da…
-
KSIgune-n aukera bat dago zuretzat
ksiGune2026ari ekin diogu, ikastegitara bisitak eginez, bilerak eginez, informazio saioak antolatuz eta ekitaldietan parte hartuz, gure klusterraren aukerak kultura eta sormen ekosistema osora hurbiltzeko.