2023/24 ikasturterako hautatutako proiektuek Euskadiko KSIei ekarpena egin nahi diete, 12 ikastegiren eta 16 erakunderen arteko lankidetzatik abiatuta, sektore hauetan: moda, artisautza, arte eszenikoak, diseinua, arkitektura, ikusizko arteak, dantza garaikidea, bideojokoak, multimedia, musika, kultura-ondarea, gastronomia eta hizkuntzaren industriak.
KSIgune Konexioak Euskadiko Kultura eta Sormen Industrietarako Goi Hezkuntzako eta Ikerketako KSIgune klusterrak bultzatutako programa da, Eusko Jaurlaritzako Kultura eta Hizkuntza Politika Sailarekin eta Hezkuntza Sailarekin lankidetzan, eta Euskampus Fundazioaren eskutik, klusterra koordinatzeko bi sailek eskuordetutako erakundea.
Goi-mailako Hezkuntzaren eta Euskadiko kultura- eta sormen-erakundeen arteko lankidetza bultzatzeko asmoz, programak, laguntzen deialdiaren 3. edizioaren bidez, ezagutzaren transferentzian oinarritutako 20 proiektu hautatu ditu, lurralde-ikuspegi batetik trantsizio demografiko, ekologiko eta digitalekin lotutako erronka globalei eta erronka sektorialei erantzuten lagunduko dutenak.
Era berean, Euskadiko trantsizio hirukoitzari erantzuten laguntzeaz gain, proiektu batzuk zahartze osasungarriaren eta ekonomia zirkularraren arloetara bideratuta daude, eta horiek Euskadi 2030 Zientzia, Teknologia eta Berrikuntza Planaren (ZTBP 2030) zeharkako ekimen traktoreen artean daude.
Informazio gehiago
Hautatutako proiektuen zerrenda kontsulta daiteke deialdiaren ebazpenan.
Proiektuei buruzko informazio gehiago egongo da eskuragarri Konexioak – Proiektuak atalean.
Albisteak, lotutako berriak
-
Lankidetza eta transferentziarako bultzada berri bat Euskadiko Goi Hezkuntzaren eta KSIen artean
ksiGuneKSIgunek Konexioak deialdiaren laugarren edizioa abiarazi du, KSIetako erakundeen, irakasleen, ikasleen eta ikertzaileen artean proiektu kooperatiboak garatzeko aukera berriak sortzeko, Euskadiko…
-
Europako Batzordeak Regional Skills Partnership-en artean kokatu du KSIgune
ksiGuneEuropako Batzordeak aukeratuta, KSIgune - Euskadiko Kultura eta Sormen Industrientzako Goi Mailako Hezkuntza eta Ikerketa Klusterra kokatu da Europako 4 egitasmo aitzindariren artean, eskumen…
-
Itzulpen automatikoa: emaitzak aztergai, gizarte bidezkoago baten bidean
ksiGuneKlara Ceberio, Elhuyarrekoa, eta Elizabete Manterola, UPV/EHUko Letren Fakultateko Tralima-itzulik Ikerketa Taldekoa, KSIgune Konexioak 2023/24 deialdiak finantzatutako proiektuaz ari zaizkigu.…