Maiatzaren 12an Bilbon egingo den KSIgune Konexioak topaketaren lehen edizioaren helburua Euskadiko Goi Mailako Hezkuntzaren eta Kultura eta Sormen Industrien (KSI) arteko lankidetza bultzatzea da.
Euskadiko fakultateei, eskolei, enpresei eta kultura- eta sormen-erakundeei zuzendutako topaketa izango da, eta agendaren zati handi bat ekimen zehatzetan lan egiteko ikastetxe eta erakundeek elkar ezagutzea erraztuko duten dinamiketara bideratuko da. Bertan jorratzen diren proiektuen garapena izen bereko deialdian lagundu ahal izango da: KSIgune Konexioak.
Deialdi honen hirugarren edizioa ere zehatz-mehatz aurkeztuko da topaketan. Aurten ere, ekimenak Euskadiko unibertsitateetako eta goi-mailako hezkuntzako zentroetako ikasleekin eta ikertzaileekin lankidetzan aritzen diren edo lankidetzan aritzeko interesa duten kultura- eta sormen-sektoreetako erakundeei laguntzen die. Proiektuek ekarpen positiboa izan beharko dute trantsizio demografiko, ekologiko eta digitalekin lotutako erronka sektorialen edo erronka globalen aurrean. Aurreko edizioetan bezala, eta KSIguneren izaera akademikoak berak eskatzen duen bezala, honako hauek izango dira lagundutako proiektu-formatuak: Gradu Amaierako Lanak, Master Amaierako Lanak, Irakasgaietako Lan Kolektiboak eta Ikerketa Taldeen proiektuak.
28 fakultate eta eskola dira, hain zuzen ere, Kultura eta Sormen Industrietarako KSIgune euskal klusterraren gune eragilea. Klusterraren hasieratik, 2020an, Eusko Jaurlaritzako Hezkuntza Saila eta Kultura eta Hizkuntza Politika Saila dira klusterraren buru. Bi sailen estrategiek, Unibertsitate Estrategia -Empresa 2026k eta RIS3 Estrategiak, hurrenez hurren, bat egiten dute KSIgunen, Kulturaren eta Sormenaren euskal ekosistemaren nodoen aberastasuna balioesteko (Akademia, Enpresak, Administrazioak), gizarteari egiten dioten ekarpena sustatuz. Izena emateko epea apirila osoan zehar zabalik dago.
Era berean, 2023ko martxotik urriaren 27ra KSIgune Konexioak finantzazio aukeretara aurkezteko epea ere irekita dago.
Albisteak, lotutako berriak
-
HAS/ZTAPENAK: kultur berrikuntza hezkuntzaren arloko esperimentaziorako
ksiGuneHAS/ZTAPENAK proiektua 2022. urtean sortu zen, UPV/EHUko Soziologia Graduko 4. mailako Gizarte eta Berrikuntza Aldaketa ikasgaiaren garapena kultura berrikuntzaren arloko praktikekin lotzeko,…
-
Beñat Ibarra: «KSIgunek ikusgarritasuna eta balioa ematen die profesional izateko irrikan dauden sortzaile gazteen belaunaldi oso bati.»
ksiGuneZETAZ ZETA proiektua EHUko Arte Ederren Fakultateko Sorkuntza eta Diseinuko Graduko ikaslea den Beñat Ibarra Abalen gradu amaierako lanaren emaitza da, La Terminal-ekin lankidetzan. Proiektuak …
-
KSIgune, DC Network sarearen Reverse Mission 2023 egitasmoan, Finlandian
ksiGuneEkainaren 12tik 15era, Euskadiko KSI sektoreko delegazio bat, tartean KSIgune, Finlandiako Tampere hirian izan zen, Reverse Mission egitasmoan parte hartzen, berrikuntzaren eta sormenaren alorreko…