Lankidetza eta sareko lana euskal kultura-ondarearen sektorean

Ondarea Saretzen ekimenak Euskadiko kultura-ondarearen inguruan eragileen sare formal bat ezartzen lagundu nahi du. Ekitaldi honek CHARTER proiektu europarrak hasitako lanarekin jarraitzen du. Proiektu horren esparruan kultura-ondarearekin lotutako hezkuntza-gaitasunak identifikatu ziren. Lluis Bonet Agusti koordinatzaileak azaldu zuen 2021az geroztik euskal ekosistema aztertzeko egindako lanak agerian utzi zuela sektorearen sakabanaketa egoera eta lankidetza sareak indartzeko beharra.

Ondarea Saretzen ekitaldiak kultur ondarearen sektorearen egungo egoera eta agenteen mapaketaren emaitza aurkeztu zituen, Eusko Jaurlaritzako Kultura Ondarearen Zuzendaritzako Ainhoa Bernabé Aranberriren eta EHUko Kultura Ondasunen Kontserbazio eta Zaharberritze Graduko Alazne Porcel Ziarzoloren eskutik.

Jakintza-trukeari laguntzeko, ekitaldiak, alde batetik, ekimen instituzional batzuk aurkeztu zituen Araba, Gipuzkoa eta Bizkaiko Foru Aldundien eskutik, eta, bestetik, lankidetzarako eta sareen kudeaketarako eredu batzuk, GKZE – Gipuzkoako Kontserbazio eta Zaharberritze Profesionalen Elkartea, KUNA – Nafarroako Kultura Kudeaketa eta EHMBE – Musika Bulegoa erakundeei esker.

Bestalde, Ruth Mayoralek, KSIgune klusterreko arduradun operatiboak, kultura- eta sormen-industrien ekosistemarekin eta Unibertsitatearekin eta Euskal Autonomia Erkidegoko Goi Mailako Hezkuntza Zentroekin konektatzeko aukerak azaldu zituen: “Aztertu dugunez (2020ko KSIguneko memoria), ondarea da Euskal Goimailako Hezkuntzan ordezkaritza handiena duen KSIen sektorea. KSIekin zerikusia duten Euskadiko prestakuntza-, ikerketa- eta transferentzia-gaitasunen % 18k lehentasunezko harremana du ondarearekin.”

Ondarea Saretzen jaurnaldiak eztabaida-talde batzuekin eta jardunbide egokiak trukatzeko dinamikekin amaitu zuen, eta laster izango dira eskuragarri jardunaldiaren emaitzak.