Zenbait hilabetez proposamenak prestatu eta ebaluatu ondoren, Berrikuntzaren eta Teknologiaren Europako Institutuak (EIT) ekainaren 23an iragarri zuen EIT Culture & Creativity eratzeko talde irabazlea.
Bertan, euskal ekosistemako kideek parte hartzen dute, hala nola Tecnalia Research & Innovation zentroak, kide sortzaile gisa, eta Euskampus Fundazioak eta Gaia Klusterrak, bazkide gisa. Partzuergoak Eusko Jaurlaritzako Hezkuntza Sailaren eta Kultura eta Hizkuntza Politika Sailaren laguntza izan du.
EITren bederatzigarren berrikuntza komunitatea da, eta Europako Kultura eta Sormen Industrietako Sektoreak (CCSI) indartu eta eraldatzeko diseinatuta dago. Proposamen irabazlea ICE- Innovation by Creative Economy da, eta 20 herrialdetako 50 bazkide biltzen ditu sektore osorako berrikuntza aukera berriak sortzeko. EITk 300 milioi euroko aurrekontua jarri du Horizon Europe programaren esparruan 2021-2027 aldian sortutako bi berrikuntza komunitateren artean banatzeko; horien artean dago berriki izendatutako EIT Culture & Creativity.
Informazio gehiago
EIT webgunean argitaratutako albistea.
Albisteak, lotutako berriak
-
Konexioak 2025: sortzeko eta eragiteko duzun aukera
ksiGuneArteen, Kulturaren eta Euskadiko Arkitektura, Moda edo Gastronomia bezalako sormen diziplinen aurrerapenean lagunduz ikasten, ikertzen edo lan egiten baduzu, eta kasu arrakastatsu bihurtu nahi baduzu…
-
Emakumezkoen animazioa: Euroregional Green Audiovisual Hub-en Egoitza
ksiGuneMartxoaren 3tik 21era, Laura Ibañez, Esther Vital eta Marion Moreau gidoilariak Euroeskualdeko akonpainamendu programa batean aritu dira animazio arloko beren proiektuak lantzen.
-
Ruth Mayoral: "Ikastegien eta KSIen elkarlanerako beste modu batzuk lantzen ari gara"
ksiGuneKlusterraren ideiatik eta ideia horrek Euskadiko industrian duen tradizio handitik abiatuta, KSIgune Klusterraren berezitasun nagusia da fakultateak eta eskolak biltzen dituela, ez enpresak. Zehazki…