Topaketa honen lehen edizioan ia ehun lagun elkartu ziren kulturaren eta sormenaren sektoreen erronkak eta trantsizio demografiko, ekologiko eta digitalarekin lotutako erronkak lantzeko.
Maiatzaren 12an izan zen KSIgune Konexioak topaketa, lehena, Bilboko Zabalgune eraikinean. Miren Artaraz, Eusko Jaurlaritzako Unibertsitate Politika eta Koordinazioko zuzendariak, eta Aitziber Atorrasagasti, Eusko Jaurlaritzako Kultura Sustatzeko zuzendariak, egin zien harrera parte-hartzaileei; hots, kulturarekin eta sormenarekin erlazionatutako Euskadiko enpresa eta erakundeetako eta fakultate eta eskoletako kideei.
Topaketa izen bereko programaren esparruan egin da: KSIgune Konexioak. Programa horren barruan bada proiektuei babesa emateko deialdi bat ere, zeina hauek aurkeztu baitzuten: Josean Urdangarín (Eusko Jaurlaritzako Kultura eta Hizkuntza Politika Saila) eta Ruth Mayoral (Euskampus Fundazioko Goi Mailako Hezkuntzako Programen arduraduna).
Urriaren 23ra arte, deialdi honen hirugarren edizioa itxiko den arte, hauek finantzatuko dira: gradu- eta master-amaierako lanak, eta Euskadiko goi-mailako zentroek eta kulturaren eta sormenaren arloko erakundeek ikasgaietan egindako talde-lanak eta ikerketa-taldeen proiektuak.
Gure goi-mailako hezkuntzaren eta enpresen arteko lankidetza sustatzeko asmoz, agendaren zati handi bat baliatu zen komunitate akademikoaren (ikasleak, irakasle eta ikertzaileak, zuzendariak) eta kulturaren eta sormenaren arloko sektoreetako komunitatearen (gerenteak, bideratzaileak, kudeatzaileak, artistak, ekoizleak, etab.) arteko konexioa bideratzeko.
Topaketan, alderdi akademikotik, hauen ordezkariak izan ziren protagonistak: EHUko zenbait fakultate, IDarte, EUNEIZ, Dantzerti, Musikene, Mondragon Unibertsitatea, Deustuko Unibertsitatea, Elías Querejeta Zine Eskola, IED Kunsthal Bilbao eta goi-mailako hezkuntzako zenbait zentro. Halaber, Euskadiko kulturaren eta sormenaren arloko sektoreetako zenbait erakundetako 35 ordezkari izan ziren, hala nola hauetakoak: Basque District of Culture and Creativity (BDCC), Karraskan, Urbanbat eta ZAWP. Horiek denek, KSIgune ekosistemaren parte gisa, jarduera egituratu batean parte hartu zuten, eta, hura oinarri harturik, beren ideiak eta proiektuak partekatu ahal izan zituzten. Espero izatekoa da sortu ziren ideietako asko benetako proiektuetan gauzatuko direla, eta KSIgune Konexioak deialdiaren hirugarren edizioan finantzatu ahal izango direla.
Albisteak, lotutako berriak
-
Lankidetza eta transferentziarako bultzada berri bat Euskadiko Goi Hezkuntzaren eta KSIen artean
ksiGuneKSIgunek Konexioak deialdiaren laugarren edizioa abiarazi du, KSIetako erakundeen, irakasleen, ikasleen eta ikertzaileen artean proiektu kooperatiboak garatzeko aukera berriak sortzeko, Euskadiko…
-
Europako Batzordeak Regional Skills Partnership-en artean kokatu du KSIgune
ksiGuneEuropako Batzordeak aukeratuta, KSIgune - Euskadiko Kultura eta Sormen Industrientzako Goi Mailako Hezkuntza eta Ikerketa Klusterra kokatu da Europako 4 egitasmo aitzindariren artean, eskumen…
-
Itzulpen automatikoa: emaitzak aztergai, gizarte bidezkoago baten bidean
ksiGuneKlara Ceberio, Elhuyarrekoa, eta Elizabete Manterola, UPV/EHUko Letren Fakultateko Tralima-itzulik Ikerketa Taldekoa, KSIgune Konexioak 2023/24 deialdiak finantzatutako proiektuaz ari zaizkigu.…