DC Living Lab, ikasleen nazioarteko lankidetza-programaren seigarren edizioa Sormenaren Munduko Foroaren (CWF24) esparruan egingo da, Hezkuntza KSIetan arloaren barruan. 

Edizio hau KSIgune, KSIetarako Goi Mailako Hezkuntza eta Ikerketako Euskal Klusterrak eta Travelling U hezkuntza kooperatibak koordinatuko dute.

Euskal Herriko ikasleek beste Districts of Creativity batzuetako ikasleekin lankidetzan lan egiteko aukera izango dute, Kultura eta Sormen Industrien erronketako batzuei erantzuteko.


Erronkak

1. REIMAGINE URBAN SPACE: COLLABORATIVE GOVERNANCE MODELS 
Nola aktiba, kudeatu eta koordina genezake lehen solairuan hutsik dagoen espazio publiko bat, etxebizitzatik haratago hedatu ahal izateko etxeko, aisialdiko eta gizarteko jardueretara?

2. FUTURE RIDES: EXPLORING TOMORROW'S VEHICLE INTERIOR 
Nola alda dezakete teknologia berriek etorkizunean pertsonek ibilgailuekin duten elkarreragina eta zerbitzu, funtzionalitate eta negozio-aukera berriak sor ditzakete mugikortasunaren sektorea adimentsuagoa, konektatuagoa eta automatizatuagoa bihurtzen den heinean?

3. SUSTAINABLE SOUNDSCAPES: BUILDING AN AUTHENTIC CONNECTION WITH MILLENNIALS AND GEN Z THROUGH SUSTAINABILITY 
Nola konekta dezake BBK Live musika jaialdiak Millennials eta Z Belaunaldiarekin, iraunkortasunean duen eragin positiboa hobetuz eta zabalduz? Zein dira horretarako modurik onenak?

4. THE FUTURE OF FASHION EDUCATION: CAN WE CREATE CUTTING-EDGE BIOMATERIALS FOR THE FASHION INDUSTRY USING VIRTUAL TOOLS AND RESOURCES FROM NEARBY BUSINESSES?
Zer estrategia erabil daitezke ikasleak aktiboki inplikatzeko tokiko industrietatik datozen hondakinak eraldatzeko proiektu praktikoetan, material jasangarrien berrikuntzan esperientzia praktikoa eskainiz eta, aldi berean, beharrezko trebetasun birtualak emanez modaren industria jasangarritasunerako bidean dagoen trantsizioari aktiboki laguntzeko? 

 

Parte hartzeko baldintzak

- Edozein espezializazio-eremutako azken urteko graduko, masterreko edo doktoregoko ikaslea izatea.

- Programaren ekintzetan parte hartzeko eskuragarritasuna izatea: martxoaren 18tik 22ra, 5 eguneko bootcamp batean (online), erronka zehatz baten inguruan lan egiteko, eta aurrez aurreko tailer batean eta emaitzen aurkezpenean Sormenaren Munduko Foroan (CWF24) apirilaren 15etik 17ra (Euskadin).

 


GEHIAGO JAKIN:  >> Aurkeztu zure hautagaitza   |   >> DC Living Labs ezagutu   |   >> CWFan parte hartu   

 

DC Living Labs