Eguneratzeak erabiltzailearen esperientzia, nabigazioa eta komunitate digitalaren erabilgarritasuna hobetzen ditu, eta 250 parte hartzaile baino gehiagorekin finkatzen du bere ibilbidea
KSIgunek bere komunitate digitalaren marka berria kaleratu du ekainean. Eguneratze horrekin, Gune+, Industria Aurreratuarekin eta Kultura eta Sormen Industriekin lotutako eragile akademiko eta profesionalen arteko konexiorako gune digitalak diseinu berri bat eta edukien arkitektura berri bat estreinatzen ditu, sinpleagoa eta intuitiboagoa, plataformaren erabiltzaile guztiei nabigazioa eta proiektuen kudeaketa errazten dizkiena.
Duela urtebete sortu zenetik, 250 pertsona baino gehiago batu dira Gune+ programara, lankidetza proiektuak bultzatzeko eta sinergiak ezartzeko beste erakunde edo profesional batzuekin.
Konektatu. Aurkitu. Parte hartu.
«Konektatu» atalean komunitateko parte hartzaileen profil guztiak kokatzen dira, eta horietako batean klik egitea nahikoa da solasaldi bat hasteko eta lankidetzan aritzeko.
"Aurkitu" atala biltegi nagusia da, eta bertan biltzen da orain erabiltzaileek eta komunitateko gidariek sortzen duten eduki guztia: albiste eta eduki berriak, produktuak, zerbitzu eta laguntzak, besteak beste.
Bestalde, «Parte hartu» atalean, erabiltzaile bakoitzak komunitatean argitaratzen diren jarduera guztiak aurkituko ditu: ekitaldiak, proiektuak, solasaldi taldeak eta abar. Eta dena eguneratuta egoteko eta proiektuak berritzen jarraitzeko.
Hau da Gune+-en etapa berri baterako abiapuntua, funtzionalitateak ezartzen jarraituko duena, etapa hori osatzen duten profesional guztiei beren helburuak lortzen laguntzeko. Oraindik ez bazara haren parte, sar zaitez hemen: https://gunedigital.eus/
Albisteak, lotutako berriak
-
Goi Mailako Euskal Hezkuntzaren eta Kultura eta Sormen Sektoreen arteko KSIgune Konexio Deialdiaren aurkezpena
ksiGuneOnline webinar hau ekainaren 29an, asteazkena, izango da, goizeko 10etan
-
“Konexio Proiektuak” deialdiaren bigarren edizioa
ksiGuneDeialdi hau KSIguneko prestakuntza- eta ikerketa-programei eta Euskadiko kultura- eta sormen-industrietako enpresa eta beste motako erakundeei zuzenduta dago.
-
DC LIVING LAB 2022 – A journey to innovation, creativity and sustainability
ksiGune