Eusko Jaurlaritzako Kultura eta Hizkuntza Politika Sailak antolatuko du, 2024ko apirilaren 15etik 17ra, Districts of Creativity Sareak (DC Network) bultzatutako CWF urteroko ekitaldia, «Ekosistema kulturalak eta sortzaileak: gobernantza- eta berrikuntza-ereduak» lelopean.
Sormenaren Munduko Foroa sormenari, berrikuntzari eta ekintzailetzari buruzko esparru-ekitaldia da, eta urtero biltzen ditu kultura- eta sormen-industrien sektoreko eragileak, sektorearen erronka globalei batera erantzuteko.
CWF24k mundu osoko profesionalak gonbidatzen ditu Kultura eta Sormen Industrien (KSI) eta horien arteko sormenari, berrikuntzari eta ekintzailetzari buruzko eztabaidetan eta lan-saioetan parte hartzera, hiru euskal hiriburuetan: Bilbon, Gasteizen eta Donostian.
Ekitaldiak erakundeen eta sektoreen arteko lankidetza sustatuko duen formatu dinamikoa izango du, KSIek Euskadin politika publikoen, berrikuntzaren, merkatu berrien eta hezkuntzaren arloan dituzten erronkei erantzuteko, Akademiako, enpresetako, Administrazioko eta beste erakunde batzuetako ordezkariak inplikatuz.
Egitarau ofiziala eta ekitaldian izena ematea https://cwf2024.eus/ webgunean egongo dira eskuragarri.
----
Irudia: © Efe Kurnaz / Unsplash
Albisteak, lotutako berriak
-
CSW24: Hezkuntza eta gaitasunen garapena KSIen oinarrian
ksiGuneKSIgunek Creative Skills Week 2024 (CSW24) astean parte hartu zuen, eta han aurkeztu zuen Europako Batzordeak aitortutako lehen Regional Skills Partnership (RSP), eskualdeko sormenaren eta kulturaren…
-
Kultura eta Sormen Industrien iraultza: Open3DBio
ksiGuneUPV/EHUko Farmazia Fakultateko Lascaray Ikergunea eta Hibridalab - Arabako Berrikuntza Ireki eta Sormen Transferentziarako Zentroa aitzindari izan dira Euskadiko sorkuntza artistikoa eraldatuko duen…
-
Antzerki aplikatua eta pertsonengan oinarritutako diseinu-prozesuetan duen eragina
ksiGuneBeatriz Rodríguez Morgadok, Dantzertiko ikasleak, INNOVARTEri buruz hitz egin digu, Apitropikekin elkarlanean egindako eta KSIgune Konexioak 2023/24 deialdiak finantzatutako Gradu Amaierako Lanaren…