Arteetarako, Kulturarako eta Sormenerako neurrira eginiko berrikuntza

Konexioak programaren bitartez, lankidetzarako eta finantzaketarako aukerak eman zaizkie Euskadiko ikasle, ikertzaile, enpresa eta profesionalei, gure _Lab, _Prest eta _Hazi deialdiei esker.

Horren emaitza gisa, 10 proiektu berri plazaratu dira, ekarpena egiteko hainbat sektoreri: musika, diseinua, arte bisualak, moda, hizkuntza, artisautza, arte eszenikoak eta ikus-entzunekoak/multimedia. Proiektu horiek KSIguneren helburu bera dute: jakintza akademikoa eta sormen profesionala konektatzea, baterako berrikuntza sustatzeko.  
 

Hona hemen proiektu horiek:

_Lab

EHUko eta Mondragon Unibertsitateko Gradu, Master eta Doktoregoko ikasleak elkarlanean aritu dira erronken inguruan ikertzen eta honako hauek bezalako soluzioak garatzen:

1. ElektrART erronka: murgiltze esperientzia bat diseinatzea ospitale inguruneetarako, artea, natura eta teknologia konbinatuta.
2. A film to kill for erronka: AAren bidez, jasangarritasun irizpideak enpresan txertatzen lagunduko duen tresna bat sortzea.
3. Basque Biodesign Center erronka: landa eremuko hondakinak eraldatzea, egitura berriak sortzeko arte eszenikoetarako, biodiseinuaren bidez.

_Prest

Enpresan berrikuntza bultzatuko dituzten Gradu amaierako proiektuak:

4. ECOCRISTAL LAB: Studio Petit Muller eta Ingeniaritza Fakultatea (Deustuko Unibertsitatea). 
5. Keinutik Musikara – Zeinu hizkuntzaren interpretazio poetikoa denbora errealean: Guajira Sicodélica S.L. (Dabadaba) eta Musikene.
6. AULKIRIBIL: Biribil Ecolab eta Ingeniaritza Fakultatea (Deustuko Unibertsitatea).

_Hazi

Ikerketa aplikatua kultura eta sormen sektoreetara eramango dituzten proiektuak:

7. EMIAK 2.0 – Tresna kritiko bat ebaluatzea eta inplementatzea, irudiak aztertzeko ikuspegi feminista batetik: Creative Bravo MM eta Teknologia Elkarreragile Berrien Fakultatea, EUNEIZ.  
8. HARIKA – Tokiko ehun hondakinak balorizatzea, neoartisau berriak sortzeko: H05 Koop. Elk. Txikia eta Gipuzkoako Ingeniaritza Eskola (EHU). 
9. ESEI: AA – Eskala handiko sortzailearen estereotipoen analisia, euskal gizartearen ikuspegitik:  ORAI NLP Teknologiak eta Gizarte eta Komunikazio Zientzien Fakultatea (EHU). 
10. Ehun interaktiboak eta proiekzio gainazal likidoak garatzea, murgiltze instalazio interaktiboak sortzeko: Estudio Gheada eta Zientzia eta Teknologia Fakultatea (EHU).

Laster, egitasmo hauei buruzko xehetasun gehiago izango dituzu.

Oraingoz, gonbidatzen zaitugu Konexioak programari eta eskura dituzun aukerei buruz gehiago jakitera.