KSIgunek Konexioak deialdiaren laugarren edizioa abiarazi du, KSIetako erakundeen, irakasleen, ikasleen eta ikertzaileen artean proiektu kooperatiboak garatzeko aukera berriak sortzeko, Euskadiko kultura- eta sormen-industrien erronka sektorialei aurre eginez.
KSIgune Konexioak 2024/25ko deialdiak Euskadiko kultura- eta sormen-sektoreetako erakundeetan aplikatuko diren Goi Mailako Hezkuntzako baterako proiektuak finantzatzeko laguntzak eskainiko ditu.
KSIgune Konexioak programaren edizio berri honek 2 kategoriatako proiektuak finantzatuko ditu:
1. Prestakuntzarako konexioa: Gradu Amaierako Lanak, Master Amaierako Lanak eta Irakasgai Lan kolektiboak,
2. Eraldaketarako konexioa: Ikertaldeen lanak.
Deialdia 2024ko urriaren 18ra arte egongo da zabalik, eta edizio honi buruzko informazio guztia KSIgune Konexioak Deialdia atalean dago eskuragarri.
Deialdian parte hartzeko, beharrezkoa da Gune+ plataforman erregistratzea eta proposamena kanal horren bidez aurkeztea.
KSIgune Konexioak deialdiaren bilakaera
Eusko Jaurlaritzako Hezkuntza Sailaren eta Kultura eta Hizkuntza Politika Sailaren laguntzarekin, KSIgune Konexioak deialdiak 43 lankidetza-proiektu babestu ditu orain arte, KSIetako 14 sektoreetako 11tan kokatuak. Guztira, 34 euskal erakundek eta KSIgune ekosistemako 16 fakultatek eta eskolek parte hartu dute, eta 600 ikasle baino gehiago mobilizatzea lortu dute.
Proiektu horien finantzaketari esker, Goi Mailako Hezkuntzatik datorren talentua KSIetako erakundeetara hurbildu ahal izan da, EAEko erakundeen barruko ikerketa-prozesuak sustatu ahal izan dira, eta erronka sektorialei zein erregionalei erantzun ahal izan zaie, trantsizio hirukoitzari - ekologikoa, teknologiko-digitala eta sozialdemografikoa - aurre egiten lagunduz.
Deialdiaren aurreko edizioetan lagundutako proiektuak ezagutu daitezke esteka hauetan:
Albisteak, lotutako berriak
-
KSIgune-n aukera bat dago zuretzat
ksiGune2026ari ekin diogu, ikastegitara bisitak eginez, bilerak eginez, informazio saioak antolatuz eta ekitaldietan parte hartuz, gure klusterraren aukerak kultura eta sormen ekosistema osora hurbiltzeko.
-
Kultura eta Zientzia: Euskal berrikuntzaren eragilea
ksiGuneBerrikuntzaz hitz egiten denean, teknologia, patenteak eta industria lehiakortasuna izaten dira elkarrizketaren gaiak. Hala ere, bada aipatzen ez den pieza bat: Kultura. Arteak ez ezik, Humanismoa…
-
Arteetarako, Kulturarako eta Sormenerako neurrira eginiko berrikuntza
ksiGune2025ean, KSIgunek antolatu ditu bootcamp bat, prestakuntza eta ikerketarako bi deialdi eta sektore topaketa bat, 10 lankidetza ekimen berriren bidez, enpresetan berrikuntza sustatzeko eta inpaktu bat…