Europako Batzordeak aukeratuta, KSIgune - Euskadiko Kultura eta Sormen Industrientzako Goi Mailako Hezkuntza eta Ikerketa Klusterra kokatu da Europako 4 egitasmo aitzindariren artean, eskumen sektorialen garapena bultzatzeko eta eskualdearen lehiakortasuna indartzeko 2030ari begira. KSIentzako lehen Regional Skills Partnership-a bilakatu da.
European Pact for Skills programaren barruko Regional Skills Partnerships-ak (RSP) lankidetza ekimenak dira, ekosistema industrialak konektatzea eta gaitasunen gabeziei eta eskualde mailako eskulanaren garapenari aurre egitea helburutzat dutenak.
Orain arte, prozesu zorrotz batean, 4 egitasmo aitzindari hautatu ditu proiektuan aritzeko Europako Batzordeak. KSIgune eta haren ekosistema hautatu dituzte esparru horretan laguntzeko, hainbat ekintzaren bidez, Euskadiko Goi Mailako Hezkuntzaren eta KSIen arteko arrakala murriztuz eta talentu eraldatzailea prestatuz, arreta berezia jarriz aro digitalerako birkalifikazioan (re-skilling) eta trebetasunen hobekuntzan (up-skilling).
Hori horrela, KSIgunek jarraituko du elkarlanean Goi Mailako Hezkuntzako erakundeekin eta KSIekin, sektorearen eskaerak eta dauden gaitasunak aztertzeko, eta Kultura eta Sormen Industriei buruzko prestakuntza programa integral bat garatuko du laster, Eusko Jaurlaritzarekin batera, trantsizio sozial, ekologiko eta ekonomiko hirukoitzari erantzuteko.
Era berean, KSIgunek jarraituko du laguntzen Goi Mailako Hezkuntzaren eta KSIen arteko ezagutza eta konpetentzien transferentzian, KSIgune Konexioak programaren bidez, lankidetza proiektuen finantzaketa barne hartuta, bai eta Eurorregional Green Audiovisual Hub bezalako nazioarteko ekimenen bidez ere.
Informazio gehiago
2023tik, KSIgune klusterra Europar Batasunaren Gaitasunen Ituneko Kultura eta Sormen Industrien Talde Estrategikoko kide da. European Pact for Skills programaren webgunean programa hau ezagutu eta harekin bat egin daiteke.
KSIgune Regional Skills Partnership ezagutzeko, sakatu hemen.
Era berean, KSIgunek nazioarteko beste aliantza batzuetan parte hartzen du, nazioarteko atalean ezagutu daitezkeenak.
Albisteak, lotutako berriak
-
Tokiko ekosistemen aliantzak, sormenezko espazioak eraikitzeko
ksiGuneEkonomia Sortzaileari buruzko 2024ko Europako Konferentzia (ECEC) ekainaren 13an egin zen Helsinborgen, Suedian. Ekitaldian, KSIetarako eskualdeko gobernantza eredua aurkeztu zuen Eusko Jaurlaritzak…
-
KSIgunek Kultur eta Sormen industrien prestakuntzarako eta eraldaketarako bigarren Konexio topaketa antolatu du
ksiGuneTopaketa maiatzaren 31n egin zen, Donostiako San Telmo Museoan, parte hartze handiarekin, eta berriz ere gune bat eskaini zuen kultur eta sormen industrietako sektoreek dituzten erronken inguruan…
-
Lankidetza eta transferentziarako bultzada berri bat Euskadiko Goi Hezkuntzaren eta KSIen artean
ksiGuneKSIgunek Konexioak deialdiaren laugarren edizioa abiarazi du, KSIetako erakundeen, irakasleen, ikasleen eta ikertzaileen artean proiektu kooperatiboak garatzeko aukera berriak sortzeko, Euskadiko…