KSIgunek Konexioak deialdiaren laugarren edizioa abiarazi du, KSIetako erakundeen, irakasleen, ikasleen eta ikertzaileen artean proiektu kooperatiboak garatzeko aukera berriak sortzeko, Euskadiko kultura- eta sormen-industrien erronka sektorialei aurre eginez.
KSIgune Konexioak 2024/25ko deialdiak Euskadiko kultura- eta sormen-sektoreetako erakundeetan aplikatuko diren Goi Mailako Hezkuntzako baterako proiektuak finantzatzeko laguntzak eskainiko ditu.
KSIgune Konexioak programaren edizio berri honek 2 kategoriatako proiektuak finantzatuko ditu:
1. Prestakuntzarako konexioa: Gradu Amaierako Lanak, Master Amaierako Lanak eta Irakasgai Lan kolektiboak,
2. Eraldaketarako konexioa: Ikertaldeen lanak.
Deialdia 2024ko urriaren 18ra arte egongo da zabalik, eta edizio honi buruzko informazio guztia KSIgune Konexioak Deialdia atalean dago eskuragarri.
Deialdian parte hartzeko, beharrezkoa da Gune+ plataforman erregistratzea eta proposamena kanal horren bidez aurkeztea.
KSIgune Konexioak deialdiaren bilakaera
Eusko Jaurlaritzako Hezkuntza Sailaren eta Kultura eta Hizkuntza Politika Sailaren laguntzarekin, KSIgune Konexioak deialdiak 44 lankidetza-proiektu babestu ditu orain arte, KSIetako 14 sektoreetako 11tan kokatuak. Guztira, 34 euskal erakundek eta KSIgune ekosistemako 16 fakultatek eta eskolek parte hartu dute, eta 600 ikasle baino gehiago mobilizatzea lortu dute.
Proiektu horien finantzaketari esker, Goi Mailako Hezkuntzatik datorren talentua KSIetako erakundeetara hurbildu ahal izan da, EAEko erakundeen barruko ikerketa-prozesuak sustatu ahal izan dira, eta erronka sektorialei zein erregionalei erantzun ahal izan zaie, trantsizio hirukoitzari - ekologikoa, teknologiko-digitala eta sozialdemografikoa - aurre egiten lagunduz.
Deialdiaren aurreko edizioetan lagundutako proiektuak ezagutu daitezke esteka hauetan:
Albisteak, lotutako berriak
-
Tokiko ekosistemen aliantzak, sormenezko espazioak eraikitzeko
ksiGuneEkonomia Sortzaileari buruzko 2024ko Europako Konferentzia (ECEC) ekainaren 13an egin zen Helsinborgen, Suedian. Ekitaldian, KSIetarako eskualdeko gobernantza eredua aurkeztu zuen Eusko Jaurlaritzak…
-
KSIgunek Kultur eta Sormen industrien prestakuntzarako eta eraldaketarako bigarren Konexio topaketa antolatu du
ksiGuneTopaketa maiatzaren 31n egin zen, Donostiako San Telmo Museoan, parte hartze handiarekin, eta berriz ere gune bat eskaini zuen kultur eta sormen industrietako sektoreek dituzten erronken inguruan…
-
KSIgune, lehenengo KSIentzako Regional Skills Partnership-a Europan
ksiGuneEuropako Batzordeak aukeratuta, KSIgune - Euskadiko Kultura eta Sormen Industrientzako Goi Mailako Hezkuntza eta Ikerketa Klusterra kokatu da Europako 4 egitasmo aitzindariren artean, eskumen…